بسم الله الرحمن الرحيم
في عصر السرعة ..ومع زحمة الأشغال وضيق
الوقت .. نحتاج أحياناً لوجبات سوبر سريعة
الخبز والجبن والبيض عيون حلوين .. بس
التغيير وايد أحلى !
قبل فترة انشغلت وايد وبغيت شي سريع ويشبع
عالعشاء ..
ولأني أحب الأكل الهندي قررت أسوي Chicken Tekka Sandwich
..
السندويج كله على بعضه مع التصوير ما أخذ
مني ثلث ساعة ^_^
المقادير
خبز تورتيا ( تورتيلا )
دجاج تكا المثلّج ( 6 حبات تقريباً لكل
سندويجه )
علبة روب
ملعقتين كبار لبنة
شووووية مايونيز .. نص ملعقة صغيرة تقريباً
نعناع مجفف ومطحون أو نعناع طازج مفروم
الطريقة
صفيت قطع التكا
خلطت الروب + اللبنة + المايونيز + النعناع
حطيت ملعقتين تقريباً من خليط الروب
شويت السندويجه << هالخطوة مهمة عشان
ياخذ الروب من نكهة بهارات الدجاج
وبس خلصنا !
لما أسويها مرة ثانية غالباً بحط معاها شوية
خضرة ..
نقدر نحط أي حشوة نحبها
فيليه دجاج مع كتشب ومايونيز
نقانق مع كتشب وخردل
شرايح دجاج مع صلصة سيزر
أو أي شي متوفر عندنا .. الخيارات والأفكار
ماتخلص
فيه ألف العافية
No comments:
Post a Comment